اجمل ما قيله في الابوذيات

يكلبي شبيك بس تخلف .............وعيدي
وعلي رديلي يحزاني ..............وعيدي
رمضاني انكضه حسر .............وعيدي
ثلاثته ايام ريته بلا منيه

بفراك وجهك ابجي جمر .........ونيران
يالخدك يشع رحمه ................ونيران
تمنيت العراق انت .............وانه يران
وحدودك دوم فاتحن علي


يامن فاركت شملي ...............وشملاك
اسمعني والحجي خصك ..........وشملاك
اذا غيري وصل خدك ............وشملاك
حرام يبوس خد الجان اليه

قدر مكتوب حبك .................من تقسه
والواحد ماله ناتج ................من تقسمه
ولون بسيوف كلبي ...............من تقسمه
تشوف محبتك شمسويه بيه

عيوني من الهجر ملت .............وسالت
وعلينه احباب ما نشدت ............وسالت
الف دمعه الجرت مني .............وسالت
ولا دمعه الجرت منكم عليه

احبك حب ماينعرف .................وصفه
وكلبي عليك مثل الذهب .............وصفه
وعليمن يكتب الدكتور ...............وصفه
اذا خدك وشفايفك هي الصيدلية